ដំឡើងខ្មែរយូនីកូត
ភាព តុបតែងរៀបចំដាក់អំពូលភ្លើងបំភ្លឺលម្អតាមជញ្ជាំងប្រាសាទអង្គរ វត្ត ដើម្បីទាក់ទាញភ្ញៀវទេសចរបានរងការចោទថា កំពុងតែបំផ្លាញសម្បត្តិវប្បធម៌ជាតិ ដែលក្រៅពីរងការរិះគន់ពីសំណាក់ភ្ញៀវទេសចរក្នុងនិងក្រៅស្រុក ភាពតុបតែងលម្អនោះក៏បានរងការចោទពីមតិបញ្ញវន្តនិងអ្នកជំនាញ ខ្លះឯទៀតដែរ។
អំពូលភ្លើងដែលដាក់ភ្ជាប់នៅនឹងជញ្ជាំងប្រាសាទអង្គរវត្ត។
ស្ថាបត្យករខ្មែរនិងមន្ត្រីអង្គការសង្គមស៊ីវិលមួយចំនួន នៅថ្ងៃអង្គារ ទី២៦ ឧសភានេះ បានទាមទារឲ្យលោកនាយករដ្ឋមន្ត្រី ហ៊ុន សែន ធ្វើកិច្ចអន្តរាគមន៍និងឈានដល់ចេញបញ្ជាឲ្យដកអំពូលភ្លើងហ្វា អគ្គិសនីចេញពីថែវប្រាសាទអង្គរវត្តដែលបានរៀបចំដោយក្រុមហ៊ុនឯកជន មួយនាពេលថ្មីៗនេះ។
លោក មឿង សុន ប្រធានអង្គការមូលនិធិទ្រទ្រង់អរិយធម៌ខ្មែរ បានថ្លែងថា ការដែលអាជ្ញាធរអប្សរាបានអនុញ្ញាតឲ្យក្រុមហ៊ុន ស៊ូជីង បំពាក់ភ្លើងហ្វាអគ្គិសនីនៅថែវប្រាសាទអង្គរវត្តដើម្បីលម្អនិង បំភ្លឺនៅពេលយប់និងក្នុងបំណងទាក់ទាញភ្ញៀវទេសចររាត្រីនោះ គឺជារឿងមិនត្រឹមត្រូវទេ។
លោក មឿង សុន មានប្រសាសន៍យ៉ាងដូច្នេះ ៖ «ប្រាសាទអង្គរមួយដែលមាន កេរ្តិ៍ឈ្មោះដ៏ល្បីល្បាញ បានជាប់ក្នុងចំណោម៧នៃអច្ឆរិយវត្ថុពិភពលោក ហើយគេស្គាល់កម្ពុជាដោយសារប្រាសាទអង្គរ នៅពេលនោះគឺយើងអត់មានអំពូលភ្លើងហ្វាហ្នឹងទេ គឺដោយសារគេយល់ថា ប្រាសាទហ្នឹងមានលក្ខណសម្បត្តិគ្រប់គ្រាន់ជាបុរាណ មិនមែនការច្នៃដាក់របស់ទោះទំនើបនេ»។
ជាមួយគ្នានេះ លោក មឿង សុន ទទូចសុំឲ្យលោកនាយករដ្ឋមន្ត្រី ហ៊ុន សែន ធ្វើកិច្ចអន្តរាគមន៍ដើម្បីរកលទ្ធភាពរុះរើអំពូលភ្លើងហ្វាអគ្គិសនី ទាំងនោះចេញពីថែវប្រាសាទ។
កាលពីថ្ងៃអាទិត្យ លោក ប៊ុន ណារិទ្ធ ជាអគ្គនាយកអាជ្ញាធរអប្សរាទទួលបន្ទុកផ្នែកថែរក្សានិងអភិរក្ស ប្រាសាទបុរាណ បានធ្វើសន្និសីទកាសែតបដិសេធថា ការដាក់ភ្លើងហ្វាអគ្គិសនីនោះ គឺមិនបានធ្វើឡើងដោយដាប់ថ្មប្រាសាទអង្គរវត្តនោះទេ គឺក្រុមហ៊ុនស៊ូជីង ដែលជាអ្នកម៉ៅការបានប្រើកំណាត់ឈើខ្លីៗ វាយតាមបច្ចេកទេសបញ្ចូលទៅក្នុងប្រហោងថ្មនៃប្រាសាទដែលមានស្រាប់ ដើម្បីចាប់ភ្ជាប់នឹងជើងអំពូលភ្លើងទាំងនោះ។ ហើយការធ្វើនេះទៀតសោត ក៏មានការចូលរួមពិនិត្យដោយមន្ត្រីអង្គការយូណេស្កូផងដែរ។
ក៏ប៉ុន្តែស្ថាបត្យករខ្មែរមួយរូប គឺលោក ភួន ភូម៉ូនីរតន៍ បានថ្លែងថា ការដាក់តាំងភ្លើងអគ្គិសនីនៅឯថែវប្រាសាទអង្គរវត្តនោះ គឺនឹងឈានដល់ការបំផ្លាញប្រាសាទអង្គរវត្តដែលជាកេរមរតកដ៏ អស្ចារ្យនិងមិនអាចកាត់ថ្លៃបានរបស់កម្ពុជា។
លោក ភួន ភូម៉ូនីរតន៍ មានប្រសាសន៍ដូច្នេះថា ៖ «ការដែលដាក់អំពូល គឺវានឹងមានកម្ដៅ ហើយកម្ដៅហ្នឹងវាចាំងទៅលើជញ្ជាំងថ្ម ហើយជញ្ជាំងថ្មយើងហ្នឹង វាទទួលនូវសំណើម ហើយប្រតិកម្មរបស់វា ប៉ះទៅវាអាចនឹងធ្វើឲ្យថ្មហ្នឹងប្រេះដោយសារកម្ដៅ ព្រោះភ្លើងហ្វាកម្ដៅវា ១ពាន់វ៉ាត់ ១ពាន់វ៉ាត់ជាង អ៊ីចឹងកម្ដៅហើយនិងជញ្ជាំងដែលមានជាតិសំណើមហ្នឹងវាអាចធ្វើឲ្យទៅ ជាប្រេះ អាចបណ្ដាលឲ្យទៅជាពុកផុយ»។
ប្រាសាទអង្គរវត្តដែលកសាងឡើងតាំងពីសតវត្សរ៍ទី៩មកនោះ គឺផ្នែកខ្លះនៃប្រាសាទបានរងការខូចខាតសឹករេចរិលជាបន្តបន្ទាប់ ដោយសារតែធម្មជាតិ។
ស្ថាបត្យករខ្មែរដដែលថ្លែងថា ប្រាសាទអង្គរដ៏អស្ចារ្យមួយនេះក៏បានរងការបំផ្លាញដោយមនុស្សផង ដែរកាលពីទសវត្សរ៍ឆ្នាំ១៩៨០ ដោយផ្នែកខ្លះនៃជើងសសរប្រាសាទត្រូវពុកផុយបែកបាក់បន្ទាប់ពី ក្រុមអ្នកបច្ចេកទេសបរទេសមួយក្រុមត្រូវបានអនុញ្ញាតឲ្យដុសខាត់ ស្លែនៅឯប្រាសាទអង្គរវត្តនោះ៕
បានដាក់ប្រកាស ក្នុង 1 | ទំលាក់ មួយវិចារ »
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
អូស្រ្តាសី
អង់គ្លេស
ប្រ៊ុយណេ
កាណាដា
ចិន
បារាំង
អាល្លឺម៉ង់
ឥណ្ឌា
ឥណ្ឌូនេស៊ី
ជប៉ុន
កូរ៉េខាងត្បូង
ឡាវ
ម៉ាឡេស៊ី
មីយ៉ាន់ម៉ា
ហ្វីលីពិន
សហព័ន្ធរុស្ស៊ី
សិង្ហបុរី
ថៃ
សហរដ្ឋអាមេរិច
រៀតណាម
កូរ៉េខាងជើង 
ប៉ូឡូញ 
បានដាក់ប្រកាស ក្នុង គ្មាន ចំណាត់ក្រុម | ទំលាក់ មួយវិចារ »
|
|
||||
 ប៉ៃលិលន (កម្ពុជា) ថ្ងៃទី៦ មីនា ២០០២៖ អាជីវករលក់ថ្នាំពេទ្យព្យាបាលជំងឺគ្រុនចាញ់ នៅក្នុងដេប៉ូលក់ថ្នាំពេទ្យមួយកន្លែង ដែលមិនមានការត្រួតពិនិត្យ © ចន វីង / Magnum នៅ ប្រទេសកម្ពុជា ការប្រយុទ្ធប្រឆាំងនឹងឱសថក្លែងក្លាយនៅតែជាប្រធានបទមួយដ៏រសើប និងមិនអាចនិយាយចេញបានឡើយ។ បើតាមការសង្កេតរបស់អ្នកពាក់ព័ន្ធនៅក្នុងវិស័យនេះ ព័ត៌មានផ្សេងៗទាក់ទិននឹងថ្នាំពេទ្យក្លែងក្លាយពិបាកនឹងធ្លាយ ចេញណាស់។ គេសង្កេតឃើញថា ព្រះរាជាណាចក្រកម្ពុជានៅតែបន្តរងគ្រោះយ៉ាងធ្ងន់ធ្ងរពីផលិតផល ឱសថក្លែងក្លាយ ឬមិនសូវមានគុណភាព ហើយប្រជាជនគឺជាជនរងគ្រោះទី១។ ដើម្បីប្រយុទ្ធប្រឆាំងនឹងបញ្ហានេះ ជាពិសេសចំពោះថ្នាំអង់ទីប៊ីយ៉ូទិក(ថ្នាំផ្សះ) និងថ្នាំប្រឆាំងគ្រុនចាញ់ ក្រុមប្រយុទ្ធប្រឆាំងនឹងឱសថក្លែងក្លាយត្រូវបានបង្កើតឡើងនៅ ក្នុងក្រសួងសុខាភិបាល ដោយមានជំនួយឯកជនពីខាងក្រៅជាច្រើន។ ប៉ុន្តែគួរអោយសោកស្តាយ វាហាក់ដូចជាគ្មានវិធីណាមួយត្រូវបានរកឃើញ ដើម្បីផ្លាស់ប្តូរបណ្តាញឱសថស្ថាននៅកម្ពុជាអោយល្អប្រសើរនោះ ទេ។ ការរាប់ចំនួនឱសថស្ថានពិតប្រាកដ គឺពិបាក ឱសថការីក្លែងក្លាយបង្កអោយមានកំហុសផ្នែកវេជ្ជសាស្រ្ត យោងតាមការអោយនិយមន័យជាផ្លូវការរបស់អាជ្ញាធរកម្ពុជា ដោយយកតាមនិយមន័យរបស់[អង្គការសុខភាពពិភពលោក(WHO ) ឱសថក្លែងក្លាយគឺ«រាល់ឱសថទាំងឡាយណាដែលផលិតឡើង ជាមួយនឹងគោលការណ៍សកម្មមិនសមស្របឬមានគុណភាពមិនល្អ , រាល់ឱសថទាំងឡាយណាដែលមិនមានគោលការណ៍សកម្ម ឬមានសមាសធាតុក្នុងគោលការណ៍សកម្មខុសពីកម្រិតកំណត់ដោយក្បួន ផ្សំឱសថ , រាល់ឱសថទាំងឡាយណាដែលមានស្លាកសញ្ញាឬសម្បកវេចខ្ចប់ចម្លងដោយ ចេតនាតាមឱសថដែលមានរួចហើយ , រាល់ឱសថទាំងឡាយណាដែលផលិតដោយអ្នកគ្មានការអនុញ្ញាត»។ ជាផ្លូវការ បើតាមតួលេខរបស់ក្រសួងសុខាភិបាល ឱសថក្លែងក្លាយ១៣% (តួលេខនេះមិនមានការកែប្រែទេ តាំងពីដើមឆ្នាំ២០០០មក) កំពុងចរាចរណ៍នៅកម្ពុជានាពេលបច្ចុប្បន្ន ប៉ុន្តែបើតាមការវាយតម្លៃរបស់សភាពាណិជ្ជកម្មបារាំង-កម្ពុជា ចេញផ្សាយនៅឆ្នាំ២០០៧ តួលេខនេះគឺមានពី៣០%ទៅ៤០%។ ឱសថការីដែលមានបរិញ្ញាបត្រម្នាក់ នៅក្នុងក្រុងភ្នំពេញ បានអះអាងដោយសុំមិនបញ្ចេញឈ្មោះថា ៖ «រយៈពេល៥ឆ្នាំដែលខ្ញុំបានធ្វើការងារនេះ និងតាមដែលខ្ញុំសង្កេតឃើញ គឺថាមានថ្នាំក្លែងក្លាយកាន់តែច្រើនឡើងចរាចរណ៍លើទីផ្សារ។ ខ្ញុំមើលឃើញថា ថ្នាំទាំងនោះគឺបន្លំកាន់តែដូចឡើងៗ ជាពិសេសសម្បក។ ចួនកាល សូម្បីខ្ញុំផ្ទាល់ ខ្ញុំមិនទាំងអាចបែងចែកថាមួយណាពិតមួយណាក្លែងក្លាយផង»។ រឿងសោកសៅមួយសម្រាប់ជនជាតិខ្មែរ នៅឆ្នាំ១៩៩៩ ការស្លាប់របស់ជនជាតិខ្មែរចំនួន៣០នាក់បានធ្វើអោយបញ្ហានេះត្រូវ គេមើលឃើញច្បាស់។ ពួកគេស្លាប់ដោយសារពុំមានការព្យាបាលត្រឹមត្រូវ។ ពួកគេបានលេបថ្នាំប្រឆាំងគ្រុនចាញ់ក្លែងក្លាយ ដែលមានផ្ទុកសារធាតុ sulfadoxine-pyriméthamine ខណៈដែលនៅលើសម្បកថ្នាំដាក់ថាមានសារធាតុ artésunate ។ វាគ្មានប្រសិទ្ធភាពលើទម្រង់គ្រុនចាញ់ដែលពួកគេមាននោះទេ តែបើសិនជា artésunate គឺវាអាចជួយពួកគេបាន។ ១០ឆ្នាំក្រោយមកទៀត ស្ថានភាពបែបនេះហាក់គ្មានការផ្លាស់ប្តូរសោះ។ លោកវេជ្ជបណ្ឌិតអ៊ឹងភូ ភូរិ គ្រូពេទ្យផ្នែកជំងឺទូទៅនៅទីក្រុងភ្នំពេញ លើកឡើងថា៖ «ឧប្បត្តិហេតុទាំងនេះកើតមានកាន់តែញឹកញាប់ឡើង បើតាមអ្វីដែលខ្ញុំសង្កេតឃើញ។ អ្នកជំងឺជាច្រើនមានស្ថានភាពកាន់តែធ្ងន់ឡើង អាចព្រោះថ្នាំគ្មានប្រសិទ្ធភាពលើពួកគេ អាចព្រោះវាមានផ្ទុកសមាសធាតុខុសពីអ្វីដែលមានសរសេរនៅលើសម្បក។ ចួនកាល ជាទូទៅថ្នាំអាចព្យាបាលពួកគេប្រកបដោយប្រសិទ្ធភាព ប៉ុន្តែដោយសារការប្រើប្រាស់មិនបានត្រឹមត្រូវ ធ្វើអោយមេរោគអាចធន់នឹងថ្នាំនោះ។ ទីបំផុត ពួកគេត្រូវមកមន្ទីរពេទ្យ ហើយជំពាក់បំណុលច្រើនថែមទៀតដើម្បីព្យាបាលជំងឺ។ វាប្រៀបដូចជារង្វង់មួយរកផ្លូវចេញមិនឃើញ»។ បើតាមតួលេខរបស់អង្គការអុកស្វាម នៅឆ្នាំ២០០៥ បំណុល២៥%របស់ជនជាតិខ្មែរ គឺពាក់ព័ន្ធនឹងចំណាយលើផ្នែកសុខភាព ជាពិសេសលើការទិញថ្នាំ។ នៅតាមខេត្ត កសិករជាច្រើនត្រូវធនាគាររឹបអូសទ្រព្យសម្បត្តិ ដោយសារមិនអាចសងប្រាក់កម្ចីវិញបាន បន្ទាប់ពីមានបញ្ហាសុខភាពធ្ងន់ធ្ងរ។ ការប្រយុទ្ធប្រឆាំងរបស់រដ្ឋាភិបាលមិនមានប្រសិទ្ធភាព ការជួញដូរដែលស៊ីរូងគ្រប់ជាន់ថ្នាក់នៅក្នុងវិស័យនេះ អានបន្ថែម ការប្រយុទ្ធប្រឆាំងទូទាំងពិភពលោក ថ្ងៃទី១១ វិច្ឆិកា ២០០៨ ប៉ូលិសអន្តរជាតិបានរឹបអូសថ្នាំក្លែងក្លាយប្រឆាំងនឹងជំងឺគ្រុនចាញ់ ជំងឺអេដស៍ និងរបេងនៅអាស៊ីអាគ្នេយ៍ គិតជាទឹកប្រាក់ជាង៦,៦៥លានដុល្លារ ហើយបានធ្វើនីតិវិធីចាប់ខ្លួនចំនួន២៧ករណី។ បើទោះជាការរឹបអូសថ្នាំប្រភេទនេះកើតឡើងញឹកញាប់មែន ប៉ុន្តែវាកម្រនឹងមានទំហំទឹកប្រាក់ដល់កម្រិតនេះណាស់។ ប្រតិបត្តិការនេះមានឈ្មោះជាភាសាអង់គ្លេសថា «Storm»។ វាជាប្រតិបត្តិការទី១ធ្វើឡើងរួមគ្នាដោយប៉ូលិសអន្តរជាតិ- WHO និងអង្គការគយពិភពលោក ពីទីក្រុងលីយ៉ុងនៃប្រទេសបារាំង។ យោង តាម WHO ទីផ្សារថ្នាំក្លែងក្លាយនៅក្នុងពិភពលោក អាចមានតម្លៃដល់៧៥ពាន់លានដុល្លារនៅឆ្នាំ២០១០ ពោលគឺកើនឡើង៩០% ចាប់តាំងពីឆ្នាំ២០០៥។ ម្យ៉ាងវិញទៀត ជាង៤០%នៃការចាប់ខ្លួនចំនួន១ ០៤៧ករណីនៅទូទាំងពិភពលោក ពាក់ព័ន្ធនឹងថ្នាំក្លែងក្លាយ គឺត្រូវបានធ្វើឡើងនៅអាស៊ី។ ដើម្បីប្រយុទ្ធប្រឆាំងនឹងបាតុភាពនេះ អង្គការ WHO បានបង្កើតក្រុមការងារមួយឈ្មោះថា “ Impact “ ដែលចូលរួមដោយស្ថាប័នគយ នគរបាល និងអ្នកតំណាងមន្ទីរពិសោធន៍ឱសថ ដើម្បីរួមគ្នាពិចារណាពីវិធីប្រយុទ្ធប្រឆាំងនឹងការជួញដូរ។ ប៉ុន្តែ ស្ថាប័ននេះត្រូវបានរងការរិះគន់ពីអ្នកសង្កេតការណ៍នានា ដោយសារការចូលរួមរបស់មន្ទីរពិសោធន៍។ មន្ទីរពិសោធន៍ឱសថត្រូវបានគេចោទប្រកាន់ថាចូលរួមក្នុងក្រុមការងារ នេះ ដើម្បីការពារអាជ្ញាប័ណ្ណរបស់ពួកគេច្រើនជាងការបារម្ភពីសុខភាព សាធារណៈ។ អ្នកសង្កេតការណ៍ទាំងនេះទិតៀនជាពិសេសពីការដែលមន្ទីរពិសោធន៍ ឱសថមួយចំនួនដែលចូលរួមក្នុង” Impact ” ថាក៏ពាក់ព័ន្ធនឹងការជួញដូរដែរ តាមរយៈការនាំចេញថ្នាំខុសច្បាប់ ថ្នាំគេលែងប្រើ ឬមិនអាចលក់បាននៅក្នុងប្រទេសខ្លួន យកទៅលក់នៅក្នុងប្រទេសកំពុងរីកចម្រើន។ ជាភស្តុតាង ពួកគេអះអាងថា ៖ «មានមន្ទីរពិសោធន៍ទាំងនោះតិចណាស់ដែលចុះមកដល់កន្លែងផ្ទាល់ ដើម្បីជួយប្រយុទ្ធប្រឆាំងនឹងបញ្ហានេះ»។ |
||||
វីរុស នៃជំងឺគ្រុនផ្តាសាយជ្រូកបានចម្លងដល់មនុស្សចំនួន ១២ ០២២ នាក់ នៅក្នុងប្រទេសចំនួន៤៣ និងបានសម្លាប់ជីវិតមនុស្សអស់ ៨៦នាក់។ នេះបើយោងតាមតុល្យការរបស់អង្គការសហប្រជាជាតិចុះផ្សាយកាលពីថ្ងៃ សៅរ៍។ ប៉ុន្តែតួលេខនេះ អាចមិនមែនជាចំនួនពិតប្រាកដទេ។ ប្រទេសខ្លះ ក្នុងចំណោមប្រទេសដែលទទួលរងគ្រោះជួបនឹងការរីករាលដាលនៃជំងឺនេះ ខ្លាំងជាងគេ រាប់ទាំងសហរដ្ឋអាមេរិកផង បានបដិសេធមិនព្រមធ្វើការរាប់ចំនួនសរុបនៃអ្នកមានកើតជំងឺគ្រុន ផ្តាសាយទេ។ ក្នុងរយៈពេល តែ២៤ ម៉ោងប៉ុណ្ណោះ មានករណីកើតជំងឺគ្រុនផ្តាសាយថ្មីជាផ្លូវការចំនួន៨៥៤នាក់។
តើជំងឺនេះពិតជានឹងឈានដល់ដំណាក់កាលនៃការរាតត្បាតឬយ៉ាងណា ?
ហេតុអ្វីបានជាអង្គការសុខភាពពិភពលោកសម្តែងក្តីព្រួយបារម្ភប្រឈមនឹងការរីករាលដាលនៃជំងឺគ្រុនផ្តាសាយជ្រូក ?
ជាងមួយខែកន្លងមកហើយដែលពិភពលោកទាំងមូលនាំគ្នាផ្តោតអារម្មណ៍នឹង ជំងឺគ្រុនផ្តាសាយប្រភេទអា ឬ គ្រុនផ្តាសាយជ្រូកដែលមានប្រភពផ្ទុះចេញដំបូងបង្អស់នៅក្នុងប្រទេស ម៉ិចស៊ិក។
ហេតុអ្វីបានជាគេត្រូវព្រួយបារម្ភពីជំងឺគ្រុនផ្តាសាយនេះខ្លាំងម្ល៉េះ?
គ្រុន ផ្តាសាយមានច្រើនបែប និងច្រើនប្រភេទ ហើយការបែងចែក និងឲ្យឈ្មោះមេរោគនៃជំងឺគ្រុនផ្តាសាយ គឺដោយផ្អែកទៅតាមកំរិតសាហាវរបស់វា។
ជំងឺគ្រុនផ្តាសាយមាន បីប្រភេទ A B និង C ធំៗ ដែលអាចនាំដល់គ្រោះថ្នាក់ដល់ជីវិត ជាពិសេសនោះគឺជំងឺគ្រុនផ្តាសាយប្រភេទ A តែម្តង ប៉ុន្តែគួរឲ្យសោកស្តាយ និងគួរចងចាំថាជំងឺគ្រុនផ្តាសាយ ប្រភេទ A និង Bនេះតែងស្តែងឡើងក្នុងរូបភាពនិងរោគសញ្ញាដូចគ្នា និងពិបាកវិភាគវិនិច្ឆ័យរកភាពខុសគ្នាខ្លាំងណាស់។ ចំណែកគ្រុនផ្តាសាយដែលបង្កឡើងដោយមេរោគប្រភេទ សេ វិញ មានអាការដូចជាគ្រុនធម្មតា។
ជាការពិតជំងឺគ្រុនផ្តាសាយជាជំងឺឆ្លងចាស់មួយដែលគេបានស្គាល់តាំងពីយូរយារមកហើយ។ ជំងឺនេះមានពីរបែប ៖
- ជាជំងឺដែលមានរដូវផង
- និងជាជំងឺឆ្លងរាលដាលពេញពិភពលោកផង ជាជំងឺរាតត្បាតផង
ការរាតត្បាតសំខាន់ៗ
ជំងឺ គ្រុនផ្តាសាយធំដែលមានលក្ខណៈជារោគរាតត្បាតធំជាងគេ ដែលគេបានជួបប្រទះក្នុងសតវត្សចុងក្រោយនេះ គឺជំងឺគ្រុនផ្តាសាយអេស្បាញ៉ុល នាអំឡុងឆ្នាំ ១៩១៨-១៩២០។ កាលណោះមេរោគគ្រុនផ្តាសាយ A(H1N1)បានសម្លាប់ជីវិតមនុស្សអស់ជាង២០លាននាក់ និង១ពាន់លាននាក់មានផ្ទុកជំងឺ។
នៅឆ្នាំ១៩៥៧ ជំងឺគ្រុនផ្តាសាយ ដែលគេឲ្យឈ្មោះថា គ្រុនផ្តាសាយអាស៊ី ក៏បានធ្វើការរាតត្បាត សម្លាប់ជនជាតិអាមេរិកអស់ប្រមាណជិត ១០ ម៉ឺននាក់ និងប្រមាណជា២លាននាក់នៅទូទាំងពិភពលោក។ និងមានស្លាប់១៨០០០នាក់ នៅប្រទេសបារាំងក្នុងប្រទេសបារាំង នាឆ្នាំ១៩៦៨ គឺដោយសារតែជំងឺគ្រុនផ្តាសាយប្រភេទអាមួយដែលមាននាមថា គ្រុនផ្តាសាយហុងកុង។
មេរោគអាចបង្កាត់ខ្លួន
ដោយសារ តែមូលហេតុទាំងនេះហើយ បានជាពេលនេះអង្គការសុខភាពពិភពលោក មានការប្រុងប្រយ័ត្នយ៉ាងខ្លាំងចំពោះការរាលដាលនៃជំងឺគ្រុន ផ្តាសាយប្រភេទA/H1N1 ឬ ជំងឺគ្រុនផ្តាសាយជ្រូក ព្រោះគេបានដឹងថាជាប្រភេទមេរោគម្យ៉ាងដែលកាចសាហាវ និងងាយបង្កាត់ខ្លួនបានយ៉ាងងាយពេក ហើយរហូតមកទល់នឹងពេលនេះគេពុំទាន់បានស្គាល់ប្រភេទមេរោគថ្មីនេះ ច្បាស់នៅឡើយទេ។
ប្រសិនបើមេរោគគ្រុនផ្តាសាយអា អាចបង្កាត់ជាមួយនឹងមេរោគផ្សេងទៀតបានដូចជាគិតទុកនិងភ័យព្រួយ ទុកជាមុនរបស់ក្រុមអ្នកស្រាវជ្រាវវេជ្ជសាស្ត្រ នោះផលវិបាកពិតជាធ្ងន់ធ្ងរណាស់ គេនឹងជួបការលំបាកក្នុងការកំណត់អត្រានៃការឆ្លងរាលដាល។ ព្រោះឮពេលដែលវីរុសបង្កាត់ខ្លួនបាន នោះវានឹងមានសមត្ថភាពផ្ទាល់របស់វាក្នុងការធ្វើសកម្មភាពផងនិង បង្កើនបរិមាណផង។
នៅពេលនេះអង្គការសុខភាពពិភពលោកកំពុងតែ តាមដានពិនិត្យយ៉ាងល្អិតល្អន់ ការរីករាលដាលនៃជំងឺគ្រុនផ្តាសាយ។ ក្នុងពេលនេះ មធ្យោបាយការពារដែលសំខាន់ និងចម្បងបំផុតគឺធ្វើយ៉ាងណាជួយកាត់បន្ថយការចម្លងពីមនុស្ស ម្នាក់ទៅមនុស្សម្នាក់ ដោយទម្លាប់រក្សាកាយវិការសាមញ្ញសំខាន់ៗដូចខាងក្រោម ៖
- ត្រូវលាងដៃនឹងសាប៊ូឲ្យបានញឹកញាប់ក្នុងមួយថ្ងៃ
- នៅពេលមានអាការៈផ្តាសាយត្រូវពាក់ម៉ាសការពារ
- ត្រូវញើសសំបោរនឹងក្រដាស រួចយកទៅចោលក្នុងធុងសំរាម
- នឹងប្រញាប់រួសរាន់អញ្ជើញទៅកាន់មន្ទីរពេទ្យដើម្បីវិភាគជំងឺ៕
បានដាក់ប្រកាស ក្នុង គ្មាន ចំណាត់ក្រុម | ទំលាក់ មួយវិចារ »
|
|
||||
 អន្លុងវែង (ខេត្តឧត្តរមានជ័យ កម្ពុជា) ថ្ងៃទី១៩ ឧសភា ឆ្នាំ២០០៧៖ ការបណ្តុះបណ្តាលនិស្សិតក្មេងៗ ដែលរៀបចំធ្វើឡើងនៅផ្ទះរបស់តាម៉ុក
ភាព យន្តឯកសារ «មន្ទីរស២១ : ម៉ាស៊ីនពិឃាដរបស់ខ្មែរក្រហម» របស់ផលិតករប៉ាន់ រិទ្ធី បានបញ្ចប់ទៅ ជាមួយនឹងសភាពស្ងប់ស្ងាត់ ក្រោមក្រសែភ្នែករបស់មហាជន ដែលសុទ្ធសឹងតែជាសិស្សនិស្សិត ដែលមកជួបជុំគ្នា នៅថ្ងៃអាទិត្យ ទី២៦ តុលា នាទីក្រុងភ្នំពេញ នៅក្នុងកម្មវិធីមួយ រៀបចំឡើងដោយអង្គការកម្ពុជាមួយឈ្មោះថា កម្មវិធីអភិវឌ្ឍន៍ធនធានយុវជន(ក.អ.ធ.យ)។ ទីកន្លែងមានលក្ខណៈសមរម្យ គឺនៅក្នុងសាលដាក់តាំងរូបគំនូរ ក្នុងគេហដ្ឋានរបស់លោក វ៉ាន់ ណាត ដែលជាអ្នកនៅរស់រានមានជីវិតមួយរូបពីមន្ទីរស-២១។ លោកជាអ្នកគូររូបទិដ្ឋភាពដ៏សាហាវឃោរឃៅនៃអតីតមន្ទីរឃុំឃាំង និងធ្វើទារុណកម្ម ទួលស្លែង ដែលបច្ចុប្បន្ននេះ បានប្រែក្លាយទៅជាសារមន្ទីរប្រល័យពូជសាសន៍។ នៅពេលអំពូលភ្លើងបើកឡើងវិញ យុវនារីម្នាក់បានអះអាងទាំងអារម្មណ៍ភ័យតក់ស្លុតថា «កាលពីមុននេះ ខ្ញុំមិនជឿលើរឿងខ្មែរក្រហមនេះនោះទេ ប៉ុន្តែ នៅពេលខ្ញុំបានមើលខ្សែភាពយន្តនេះ ខ្ញុំចាប់ផ្តើមជឿជាក់តិចៗហើយ…»។ ខណៈពេលសវនាការរបស់ឌុច អតីតប្រធានមន្ទីរឃុំឃាំងស-២១ នឹងបើកការជំនុំជម្រះនៅប៉ុន្មានខែខាងមុខទៀតនេះ យុវជននៅកម្ពុជាខ្លះនៅមិនទាន់ជឿលើរឿងសោកនាដកម្ម ដែលបានប្រព្រឹត្តនៅសម័យគ្រប់គ្រងរបស់ប៉ុល ពត និងបក្សពួករបស់គេ នៅឡើយនោះទេ។ ដើម្បីជឿជាក់ ត្រូវមើល… បន្ទាប់ពីការបញ្ចាំងភាព យន្តឯកសារស្តីពីមន្ទីរស-២១ និងជំនួបជាមួយលោកវ៉ាន់ ណាត កញ្ញា ម៉ារីណា បាននិយាយថា ពេលនេះ នាងជឿ «៨០%» ហើយ។ តើហេតុអ្វី នាងមិនជឿ១០០%? ស្ថិតក្នុងសំលៀកបំពាក់អាវផ្កា សក់ចង កញ្ញាឆ្លើយតបវិញថា «ព្រោះខ្ញុំមិនធ្លាប់បានឃើញព្រឹត្តិការណ៍បែបនេះផ្ទាល់ភ្នែក របស់ខ្ញុំ!»។ ម្យ៉ាងវិញទៀត មិនធ្លាប់មាននរណានិយាយរឿងនេះប្រាប់នាង នៅក្នុងថ្នាក់រៀន ក៏ដូចជានៅតាមទូរទស្សន៍នោះទេ។ កញ្ញាម៉ារីណា បានពន្យល់ថា ប្រសិនជាកញ្ញាចុះឈ្មោះចូលរួមនៅក្នុងកម្មវិធីរបស់ ក.អ.ធ.យ នេះ ក៏ព្រោះចង់ស្វែងយល់ពីការពិតនៃប្រវត្តិសាស្រ្តមួយនេះ។ កញ្ញាសំណូមពរថា «ឪពុកម្តាយទាំងអស់គួរតែចំណាយពេលវេលាខ្លះ ដើម្បីរៀបរាប់ប្រាប់យើង នូវអ្វីដែលពួកគាត់ធ្លាប់បានឆ្លងកាត់»។ ពីរឿងព្រេងនិទាន មកជាប្រវត្តិសាស្រ្តពិត ទស្សនកិច្ច សារមន្ទីរប្រល័យពូជសាសន៍ទួលស្លែង (អតីតមន្ទីរ ស-២១) គំនរឆ្អឹងខ្មោចនៅជើងឯក សាលាក្តីខ្មែរក្រហមនៅជាយរាជធានី ជំនួបជាមួយអ្នកនៅរស់រានមានជីវិត… កញ្ញា សុវត្ថា យុវនារីស្ម័គ្រចិត្តរបស់ ក.អ.ធ.យ បានអះអាងថា តាមរយៈគំនិតផ្តួចផ្តើមជាច្រើននេះ ក្រសែភ្នែករបស់យុវជនមកលើរបបខ្មែរក្រហមបានផ្លាស់ប្តូរ។ «ការពិភាក្សានិងការមើលឃើញទាំងនេះ ជម្រុញអោយពួកគេចាប់ផ្តើមមានគំនិតចង់ស្វែងសិក្សាអំពីប្រធានបទនេះ ។ នៅពេលសិស្សនិស្សិតបង្ហាញប្រាប់យើង ពូកគេនិយាយថានេះគឺជាប្រវត្តិសាស្រ្តកាលពីអតីតកាល រឺជារឿងព្រេងនិទាន។ បន្ទាប់ពីបានតាមដានកម្មវិធីរបស់យើង ពួកគេយល់ឃើញថាវាជារឿងបច្ចុប្បន្ននៅឡើយ តែគ្មានការប្រឌិតណាមួយឡើយ»។ តើស្រមោលនៃរបបខ្មែរក្រហម អាចរលាយបាត់ពីការចងចាំរបស់ប្រជាជនទាំងមូលបានដូចម្តេច? សម្រាប់សុវត្ថា នេះគឺជាកំហុសរបស់សម័យកាលនៃសម្ភារៈនិយមមួយ ព្រោះមនុស្សយើងមិនគិតចង់សិក្សា មិនអានសៀវភៅ មិនព្រួយបារម្ភពីរឿងអតីតកាល។ ក្រៅពីនេះ សុវត្ថានិយាយបន្ថែមថាសៀវភៅដែលបោះពុម្ពផ្សាយ ស្តីពីខ្មែរក្រហម ត្រូវបានសរសេរជាភាសាបរទេស។ ប្រជាពលរដ្ឋខ្មែរចាប់ផ្តើមចាប់អារម្មណ៍លើរបបខ្មែរក្រហម អ្នក នៅរស់រានមានជីវិតពីរបបខ្មែរក្រហមរូបនេះបានទទួលស្គាល់ថា យុវជននៅមានចម្ងល់ ទាក់ទិននឹងអត្ថិភាពរបបកម្ពុជាប្រជាធិបតេយ្យមួយនេះ ហើយអំពើដ៏សាហាវព្រៃផ្សៃនៃរបបគ្រប់គ្រងនេះបានបង្កើតជាការ ព្រួយបារម្ភ។ «ហេតុដូច្នេះហើយទើបបានជា យើងចាំបាច់ត្រូវតែពន្យល់ប្រាប់ដល់ក្មេងៗជំនាន់ក្រោយអោយបានដឹង។ ប៉ុន្តែ បញ្ហាផ្សេងៗអាចនឹងផ្លាស់ប្តូរ។ រហូតមកទល់ពេលនេះ មានតែជនបរទេសប៉ុណ្ណោះដែលមកជួបខ្ញុំ សួរសំណួរខ្ញុំ ទាក់ទងនឹងដំណើរជីវិតរបស់ខ្ញុំ។ ឥឡូវនេះ គឺជាលើកដំបូងហើយដែលជនរួមជាតិបានសួរសំណួរខ្ញុំ….»។ កុសល និស្សិតឆ្នាំទី២ ផ្នែកចិត្តវិទ្យា នៃសាកលវិទ្យាល័យភូមិន្ទភ្នំពេញ បានសំដែងការសោកស្តាយថាកម្មវិធីសិក្សានៅសាលាមិនផ្តោតការយកចិត្ត ទុកដាក់ទៅលើរបបខ្មែរក្រហមនោះទេ ទោះបីជាមានសាស្រ្តាចារ្យមួយចំនួនបាននិយាយសង្ខេបនូវប្រវត្តិ ខ្មែរក្រហមនៅក្នុងថ្នាក់រៀនក៏ដោយ។ កុសលសួរសំណួរយ៉ាងម៉ឺងម៉ាត់ថា «វេទិកាទាំងនេះគឺជាយុទ្ធសាស្រ្តដ៏ល្អមួយ ប៉ុន្តែ គេមកស្តាប់ រួច គេនឹងភ្លេចអស់។ អ្នកមកចូលរួមទាំងនោះគ្រាន់តែជាមហាជនមួយក្តាប់តូចប៉ុណ្ណោះ។ បន្ទាប់ពីជំនួបនេះបានបញ្ចប់ តើអ្នកណាជាអ្នកផ្ទេរចំណេះដឹងទាំងនេះបន្តទៀត ហើយតើអ្នកណាដែលហ៊ានអះអាងថា ពីមួយជំនាន់ទៅមួយជំនាន់ ចំណេះដឹងទាំងនេះនឹងមិនបាត់បង់ទៅវិញនោះ?» ខ្មែរក្រហម នឹងដាក់បញ្ចូលនៅក្នុងកម្មវិធីសិក្សា នាពេលខាងមុខនេះ លោក ឆាំង យក់ មានប្រសាសន៍លំអិតថា នៅខែបន្ទាប់ គឺជាពេលវេលាបណ្តុះបណ្តាលគ្រូបង្គោលថ្នាក់ជាតិ តាមរយៈសៀវភៅអប់រំនេះ រួចបណ្តុះបណ្តាលគ្រូបង្គោលថ្នាក់ខេត្ត និងជាចុងក្រោយ សាស្រ្តាចារ្យចំនួន៣ ០០០នាក់ នៅអនុវិទ្យាល័យ និងវិទ្យាល័យ នៅក្នុងប្រទេសកម្ពុជា។ ប្រសិនជាការងារនេះដំណើរការយ៉ាងរលូន ចាប់ពីពេលនេះ រហូតដល់ចុងឆ្នាំ២០០៩ ប្រវត្តិសាស្រ្តកម្ពុជាប្រជាធិបតេយ្យនឹងត្រូវបង្រៀនជាផ្លូវការនៅតាម សាលារៀននីមួយៗ។ ប្រវត្តិសាស្រ្តសណ្តោងគ្រូបង្រៀន លោកឆាំង យក់ បានវាយតម្លៃថា មានតែការសិក្សាពីរបបប៉ុល ពត នៅថ្នាក់រៀនប៉ុណ្ណោះ ដែលអាចលុបបំបាត់ភាពមិនអើពើ និងមិនជឿជាក់របស់យុវជនខ្មែរមួយចំនួនធំបាន។ «អ្វីដែលបានកើតឡើង វាពិបាកនឹងជឿ និងពន្យល់ណាស់។ ដូចនេះ ការបង្រៀនវិទ្យាសាស្រ្តពិតនេះមានសារៈប្រយោជន៍ ក្នុងការធ្វើអោយរឿងនិទាននេះប្រែក្លាយពីប្រវត្តិសាស្រ្តធម្មតា ទៅជាប្រវត្តិសាស្រ្តដ៏ពិតប្រាកដមួយ។ ហេតុដូចនេះ មនុស្សជំនាន់ក្រោយនឹងទទួលបានការអប់រំគ្រប់គ្រាន់ល្មម ដើម្បីផ្លាស់ប្តូរការយល់ឃើញរបស់ខ្លួន។ គេត្រូវជៀសចេញអោយផុតពីបញ្ហាផ្លូវចិត្តរបស់អ្នកដែលនៅរស់រាន មានជីវិត ដើម្បីចូលនៅក្នុងការអប់រំយ៉ាងមានប្រសិទ្ធភាព ដោយគ្មានការលំបាកផ្សេងៗ។ ចាប់ពីពេលនេះតទៅ ប្រសិនបើជាមនុស្សមួយចំនួននៅតែប្រកែកមិនជឿ ក៏ដោយសារតែពួកគេមានការអាម៉ាស់ ចំពោះព្រឹត្តិការណ៍ដែលបានកើតមានឡើងនៅក្នុងប្រទេសរបស់ខ្លួន។ នេះប្រហែល គឺជាកេរមរតកដ៏ធ្ងន់មួយដែលត្រូវទូលរ៉ែក។ ប៉ុន្តែ ការមិនដឹងលឺអ្វីសោះ អាចបង្កជាគំនិតគ្រោះថ្នាក់។ យុវវ័យ ដែលកើតក្រោយឆ្នាំ១៩៧៩នេះ ត្រូវតែផ្តាច់ខ្លួនចេញពីគំនិតទាំងនេះ។ បច្ចុប្បន្ននេះយុវជនទាំងនោះមានចំនួនច្រើនជាងពាក់កណ្តាលនៃចំនួន ប្រជាជនកម្ពុជា។ |
||||
បានដាក់ប្រកាស ក្នុង គ្មាន ចំណាត់ក្រុម | ទំលាក់ មួយវិចារ »
2009-05-24
មន្រ្តី ក្រសួងសុខាភិបាលបានឲ្យដឹងថា ពលរដ្ឋខ្មែរអាមេរិកាំងបីរូបដែលសង្ស័យថាអាចឆ្លងមេរោគគ្រុន ផ្តាសាយ A(H1N1) នោះ ត្រូវគេធ្វើតេស្តឈាមរួចហើយ ហើយបង្ហាញថាមិនមានបញ្ហាអ្វីទេ។
អ្នក ធ្វើដំណើរពាក់ម៉ាសដើម្បីការពារការឆ្លងជំងឺគ្រុនផ្ដាសាយជ្រូកនៅ ឯព្រលានយន្តហោះអន្តរជាតិ Los Angeles សហរដ្ឋអាមេរិក កាលពីថ្ងៃ២៩ មេសា ២០០៩។
លោក សុខ ទូច ប្រធាននាយដ្ឋានប្រយុទ្ធនឹងជំងឺឆ្លងនៃក្រសួងសុខាភិបាលបានមានប្រសាន៍ថា ៖ «អវិជ្ជមានទេ»។
សូម ជម្រាបថា យោងតាមលិខិតផ្តល់ដំណឹងរបស់ស្ថានទូតសាធារណរដ្ឋកូរ៉េអ្នកទេសចរ ខ្មែរអាមេរិកាំងទាំងបីនាក់នោះគឺបានជិះយន្តហោះតាមជើងហោះហើរ OZ217 Asiana Airline ពីទីក្រុងស៊ីអាថុល សហរដ្ឋអាមេរិក មកសំចតនៅចំណតយន្តហោះអន្តរជាតិសាធារណរដ្ឋកូរ៉េនិងបន្តដំណើរមក កម្ពុជានៅថ្ងៃ១៧ និង ១៨ ខែឧសភា ហើយជើងហោះហើរនោះក៏មានអ្នកជំងឺមេរោគផ្តាសាយ A(H1N1) ដែលប្រទេសកូរ៉េខាងត្បូងសង្ស័យថាអាចទេសចរខ្មែរអាមេរិកាំងទាំងបី រូបរួមដំណើរជាមួយអ្នកជំងឺនោះអាចឆ្លងមេរោគផ្តាសាយ A(H1N1) ហើយចម្លងចូលមកប្រទេសកម្ពុជា៕
បានដាក់ប្រកាស ក្នុង គ្មាន ចំណាត់ក្រុម | ទំលាក់ មួយវិចារ »
-
ប្រកាសថ្មីៗ
ខែ ធ្នូ 2009 ច. អ. ព. ព្រ. សុ. សៅ. អាទិ. « ឧសភា 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 បណ្ណសារ
ចំណាត់ក្រុម
-
វិចារថ្មីៗ
រតនា ឱសថក្លែងក្លាយនៅកម្ពុជា :… Samady KS ឱសថក្លែងក្លាយនៅកម្ពុជា :… -
ការចុចច្រើនបំផុត
- គ្មាន
ប្លាក
ទំព័រ
ខែ ធ្នូ 2009 ច. អ. ព. ព្រ. សុ. សៅ. អាទិ. « ឧសភា 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 បណ្ណសារ
មេតា
